Үзизоляциядә бәйрәм: Баулы интернат-йортында Социаль хезмәткәр көнен билгеләп үттеләр
Быел Баулы өлкәннәр һәм инвалидлар өчен интернат-йорты хезмәткәрләре һөнәри бәйрәмнәрен – Социаль хезмәткәр көнен – үзизоляциядә билгеләп үттеләр.
Бәйрәм көне ТР Премьер-министры А.В. Песошинның һәм ТР хезмәт, халыкны эш белән тәэмин итү һәм социаль яклау министры Э.Ә. Зарипованың онлайн-котлавыннан башланды. Аннары бәйрәм концерты белән интернат-йорт хезмәткәрләрен мәдәният йорты коллективы котлады.
Баулы интернат-йортына шулай ук башкарма комитет җитәкчесенең социаль мәсьәләләр буенча урынбасары И.И. Хөснуллина, Кырым-Сарай авыл җирлеге башлыгы Д.А. Шакирҗанов һәм Республика профсоюз комитетының Баулы муниципаль районындагы вәкиле Х.С. Мөгинов та килделәр. Алар учреждение җитәкчесенә һәм хезмәткәрләренә намуслы хезмәтләре өчен рәхмәт белдерделәр.