Теләче районында «Хатирәләр терапиясе» технологиясен гамәлгә ашыру дәвам итә

2020 елның 8 июне, дүшәмбе

Теләче муниципаль районында «Чишмә» халыкка социаль хезмәт күрсәтү комплекслы үзәге социаль хезмәткәрләре «Хатирәләр терапиясе» технологиясе кысаларында чараларны дәвам итәләр.

Ретро-терапия дәресләре барышында комплекслы үзәк белгечләре социаль хезмәт алучылар белән тормыш турында әңгәмәләр үткәрәләр, өлкән яшьтәге кешеләрнең архив фотосурәтләре белән фотоальбомнар карыйлар. Үткәннәргә кайту өлкән буын кешеләрен депрессиядән арындырырга сәләтле, бу аралашу бәхете һәм тирә-юньдәгеләргә кирәк булу хисе бүләк итә.

Моннан тыш, әлеге технология ярдәмендә социаль хезмәткәрләр һәм өлкәннәр бер-берсенә тагын да якыная.