«Демография» проекты кысаларында Баулы интернат-йорты карамагындагылар бармак йогасы белән шөгыльләнәләр

2020 елның 2 июне, сишәмбе

«Демография» милли проектының «Өлкән буын» федераль проекты кысаларында Баулы өлкәннәр һәм инвалидлар өчен интернат-йортында «Өлкәннәр һәм инвалидлар өчен сәламәтлек саклау технологияләренең яңа инновацион формасы буларак бармак йогасы элементлары» технологиясе тормышка ашырыла.

Үзизоляция вакытында озак вакыт карау системасын кертү буенча белгеч Р.З. Вәгыйзова көн саен социаль хезмәт алучылар белән әлеге технология буенча дәресләр үткәрә. Аларның максаты – сәламәтлек саклау технологияләре аша гражданнарның яшәү сыйфатын һәм актив озын гомерлек чорын арттыру.