Алабуга интернат-йортында пионерия кичәсе узды

2020 елның 21 мае, пәнҗешәмбе

Алабуганың өлкәннәр һәм инвалидлар өчен интернат-йортында Пионерия көненә багышланган тематик кичә узды. Интернат-йортта яшәүчеләрнең барысы да диярлек элек пионер булганнар һәм әле дә яшьлек вакытларының җылы хатирәләрен саклыйлар.

Очрашуда пионерлар оешмасының символлары, Бөек Ватан сугышы герой-пионерлары турында сөйләштеләр, тематик видеороликлар карадылар. Шулай ук чарада катнашучылар өчен «Күршегә пионер галстугын бәйлә» дигән бәйге оештырылды.

Кич белән киноклубта «Тимур һәм аның командасы» дигән нәфис фильм күрсәтелде.