Югары Ослан интернат-йортында Гаилә көнен билгеләп үттеләр
Югары Ослан өлкәннәр һәм инвалидлар өчен интернат-йортында дүрт гаилә яши. Алар барысы да интернат-йортта очрашканнар. Бер-береңне кайгырту һәм гаилә җылысы өлкән яшьтәге кешеләрнең гомерен озынайта. Моннан тыш, учреждение хезмәткәрләренең иң мөһим бурычларының берсе – үзләрен бер тату һәм зур гаилә итеп тойсыннар өчен, һәркем өчен уңайлы яшәү шартлары тудыру.
Фидая Бари кызы һәм Владимир Петрович инде 40 ел бергә. Владимир Петровичтан башка интернат-йортта бер генә чара да узмый, өстәвенә, ул бик шәп спортчы һәм биюче дә. «Минем елларым – минем байлыгым» республика конкурсында ул призлы урын алды. Ә Фидая апа – бар эшкә дә оста.
Халыкара гаилә көне уңаеннан учреждение коллективы гаиләләрне бәйрәм белән котлады һәм аларга бүләкләр тапшырды. Алар өчен шулай ук яраткан җырлары да яңгырады.