Мамадыш интернат-йортында хезмәт терапиясе

2020 елның 14 мае, пәнҗешәмбе

Хәтта үзизоляция режимы гамәлдә булган чорда да Мамадыш өлкәннәр һәм инвалидлар өчен интернат-йортында бакча эшләре дәвам итә.

Хезмәткәрләр һәм социаль хезмәт алучылар клумбалар казыдылар, чәчәкләр утырттылар, агачлар агарттылар, учреждение теплицасында помидор һәм борыч үсентеләре утырттылар. Интернат-йортта яшәүчеләр бакчада бик теләп эшлиләр: чәчәкләргә су сибәләр, чүп утыйлар.

Интернат-йортта яшәүчеләр өчен үзләренең файдалы һәм әһәмиятлелеген тою бик мөһим. Өстәвенә, хезмәт терапиясе гомуми халәтне, нерв системасының эшен яхшырта, тормыш тонусын арттыра.