«Веста» үзәгендә «Без бөтен планетада тынычлык яклы!» конкурсына йомгак ясалды

2020 елның 9 мае, шимбә

Россиядә Хәтер һәм дан елы кысаларында Түбән Каманың «Веста» гаиләгә һәм балаларга социаль ярдәм үзәгендә «Без бөтен планетада тынычлык яклы!» рәсем конкурсы оештырылды. Анда 5 яшьтән алып 13 яшькә кадәр булган 12 балигъ булмаган бала катнашты.

Конкурсны үзәкнең социаль педагогы Елена Макарова үткәрде. Ул шулай ук балаларга Бөек Ватан сугышы турында сөйләде, ә балалар тыныч күк һәм ирек өчен көрәшкән туганнарының тарихлары һәм батырлыклары белән уртаклаштылар.

Социаль педагог балаларга «#Окна_Победы» бөтенроссия акциясенә кушылырга һәм фатир һәм йортлардагы тәрәзәләрне рәсемнәр белән бизәргә тәкъдим итте. Бүген балалар рәсемнәре Түбән Кама халкына Бөек Ватан сугышы елларында халкыбызның батырлыгы турында искә төшерә.