Татарстанда бушлай азык-төлек җыелмалары алачак гражданнар категорияләре билгеләнде
Татарстан Республикасы Президенты Р.Н. Миңнеханов йөкләмәсе нигезендә, азык-төлек җыелмалары алачак мохтаҗ гражданнар категорияләре билгеләнде:
- Җан башына уртача кереме яшәү минимумыннан (8 938 сум) түбән булган гаиләләрдән 8 яшьтән олырак балалар;
- Ата-аналарның берсе алимент түләүдән баш тарткан һәм җан башына уртача кереме яшәү минимумыннан түбәнрәк булган гаиләләрдәге балалар;
- Опека буенча вазыйфалар түләүсез нигездә башкарыла торган гаиләләр;
- Социаль куркыныч хәлдә булган гаиләләр;
- Керемнәре яшәү минимумыннан түбән булган 65 яшьтән өлкәнрәк ялгыз яшәүче пенсионерлар;
- Ата-аналары үзмәшгульлек белән шөгыльләнгән яисә кризистан аеруча зыян күргән тармакларда шәхси эшмәкәрлек башкарган балалар.
Әлеге азык-төлек тартмаларын татарстанлылар айга ике тапкыр, ике ай дәвамында алачаклар.