Бүген кыскартылган эш көне

2020 елның 8 мае, җомга

Татарстан Республикасы Хезмәт, халыкны эш белән тәэмин итү һәм социаль яклау министрлыгы предприятие һәм оешма хезмәткәрләренең күп санлы мөрәҗәгатенә җавап итеп хәбәр итә.

Россия Федерациясе Хезмәт кодексының 112 нче маддәсе нигезендә 9 нчы май – Җиңү көне – эшләми торган бәйрәм көне булып санала.

Россия Федерациясе Хезмәт кодексының 95 статьясы нигезендә эшләми торган бәйрәм көне алдындагы эш көне яки сменаның озынлыгы бер сәгатькә киметелә.

Шулай итеп, 2020 нче елда биш көнлек эш атнасында 9-11 нче май ял көннәре булачак. 8 майда эш көне озынлыгы бер сәгатькә кыскара.