Пандемия чорында эшен югалткан пенсия яше алды кешеләре өчен эшсезлек буенча пособие күләме турында
1 марттан соң эшен югалткан һәм эшсезлек башланганчы бер ел дәвамында 26 атнадан да ким булмаган вакыт эчендә хезмәт мөнәсәбәтләрендә торучы пенсия алды яшендәге гражданнарга эшсезлек буенча пособие 12 ай дәвамында түләнә, шул ук вакытта:
- 1 апрельгә кадәр теркәлгәннәргә эшсезлек буенча пособие күләме март аенда уртача хезмәт хакының 75 % күләмендә билгеләнә, әмма эшсезлек буенча пособиенең минималь күләменнән ким булмаган һәм максималь күләменнән күп булмаган күләмдә; 1 апрельдән 30 июньгә кадәр – алдагы эш урыны буенча уртача хезмәт хакына карамастан, минималь хезмәт хакы күләмендә билгеләнә, һәр балигъ булмаган балага өстәмә түләү белән. Ә эшсезлек буенча пособиенең калган чорында – уртача хезмәт хакының 60 % һәм 45 % күләмендә, әмма эшсезлек буенча пособиенең минималь күләменнән ким булмаган һәм максималь күләменнән күп булмаган күләмдә;
- 1 апрельдән соң эшсез дип танылганнарга эшсезлек буенча пособие, элеккеге эш урыны буенча уртача эш хакына карамастан, теркәлү датасыннан 30 июньгә кадәр минималь хезмәт хакы күләмендә билгеләнә, һәр балигъ булмаган балага өстәмә түләү белән. Ә эшсезлек буенча пособиенең калган чорында – уртача хезмәт хакының 75 %, 60 % һәм 45 % күләмендә, ләкин эшсезлек буенча пособиенең минималь күләменнән ким булмаган һәм максималь күләменнән күп булмаган күләмдә билгеләнә.