«Шатлык» приютындагы балалар өчен танып-белү дәресе үткәрелде

2020 елның 14 апреле, сишәмбе

Питрәчнең «Шатлык» балалар һәм яшүсмерләр өчен социаль приютында Интеллектуаль милек һәм уйлап табулар елына багышланган «Дөнья галимнәре һәм уйлап табучылары» дигән танып-белү дәресе узды.

Мәктәп яшендәге балалар искиткеч уйлап табучы Иван Петрович Кулибинның тормышы һәм эшләре белән таныша алдылар, дөньяда беренче ачышлар һәм уйлап табулар турында белделәр.

Аннан соң балалар үзләрен уйлап табучылар итеп хис итеп, пластилиннан эшләнмәләр моделен ясадылар һәм аны дуслары алдында презентацияләделәр.