Баулы интернат-йортында Бөек Ватан сугышы турында әңгәмә узды

2020 елның 13 апреле, дүшәмбе

Бөек Ватан сугышында Җиңүнең 75 еллыгы алдыннан Баулы өлкәннәр һәм инвалидлар өчен интернат-йортында социаль хезмәт алучылар белән «Татарстан сугыш елларында» дип исемләнгән әңгәмә үткәрелде. Чара шулай ук ТАССРның 100 еллыгына багышланган иде.

Әңгәмә барышында интернат-йортта яшәүчеләр якташлары – тыл хезмәтчәннәре һәм сугышта катнашучылар язмышларын искә төшерделәр, аларның батырлыгы һәм фидакарьлеге турында сөйләштеләр. Шулай ук интернат-йорт карамагындагыларга викторина да тәкъдим ителде, аның сорауларына алар бик теләп җавап бирделәр.

Әңгәмә ахырында социаль хезмәт алучылар сугыш турында документаль фильм карадылар.