Зәйдә битараф булмаган эшмәкәр ялгыз өлкәннәргә иганәче ярдәме күрсәтте
Коронавирус пандемиясенең катлаулы чорында бөтен илдә битараф булмаган кешеләр ярдәмгә аеруча мохтаҗ кешеләргә адреслы ярдәм күрсәтү өчен берләшәләр. Үз-үзләренә хезмәт күрсәтү сәләтен югалткан ялгыз өлкән яшьтәге гражданнарга аеруча ярдәм кирәк.
Зәй муниципаль районында үз-үзеңне изоляцияләү режимы гамәлдә булган чорда мондый кешеләрне «Шатлык» халыкка социаль хезмәт күрсәтү комплекслы үзәге социаль хезмәткәрләре карый. Социаль-көнкүреш хезмәтләре күрсәтүдән тыш, белгечләр көн саен үз карамагындагыларның аш-су, кирәкле дарулар, беренче чиратта кирәк-яраклар булуын тикшереп торалар.
Ялгыз яшәүче өлкән яшьтәге гражданнарга волонтерлар һәм шәхси эшмәкәрләр дә ярдәм итәргә тырыша. Иң беренчеләрдән булып социаль хезмәтләрдән файдаланучыларга азык-төлек җыелмалары бүлеп бирү инициативасы белән район социаль яклау бүлегенә «Зәй икмәге» ҖЧҖ директоры Анатолий Шалафаев мөрәҗәгать итте. Бизнесмен ярдәме белән 95 ялгыз пенсионер адреслы иганәчелек ярдәме алачак.