Эш бирүчеләр тулы булмаган эш атнасы режимын кертү турында мәшгульлек хезмәте органнарына хәбәр итәргә тиеш
«Россия Федерациясендә халыкны эш белән тәэмин итү турында» РФ Законының 25 статьясындагы 2 пункты нигезендә, оешманы бетерү турында яки шәхси эшмәкәрнең эшчәнлеген туктату турында карар кабул иткәндә, шәхси эшмәкәрнең, оешма хезмәткәрләре санын яки штатын кыскарту һәм хезмәт килешүләрен өзү мөмкинлеге булган очракта, эш бирүче-оешма тиешле чаралар үткәрә башлаганчы ике айдан да соңга калмыйча, ә эш бирүче-шәхси эшмәкәр ике атнадан да соңга калмыйча бу хакта мәшгульлек хезмәте органнарына язмача хәбәр итәргә бурычлы. Әгәр оешма хезмәткәрләренең санын яки штатын кыскарту турындагы карар хезмәткәрләрне күпләп эштән азат итүгә китерергә мөмкин булса, – тиешле чаралар башланыр алдыннан өч айдан да соңга калмыйча.
Тулы булмаган эш көне (смена) һәм (яки) тулы булмаган эш атнасы режимы кертелгәндә, шулай ук җитештерүне туктатып торганда, эш бирүче бу хакта тиешле чаралар үткәрү турында карар кабул ителгәннән соң өч эш көне эчендә мәшгульлек хезмәте органнарына хәбәр итәргә тиеш.
Хәзерге вакытта Россия Федерациясе Хезмәт һәм социаль яклау министрлыгы тарафыннан эш бирүчеләр тарафыннан тутыру өчен хезмәткәрләрнең эштән азат ителү һәм тулы булмаган эш белән тәэмин итү мониторингы электрон формалары эшләнгән. Алар «Работа в России» порталында урнаштырылган.
Эштән азат ителү мониторингы оперативлыгын арттыру максатыннан, оешма ликвидацияләнү яки хезмәткәрләр саны яки штат кыскару, шулай ук оешма хезмәткәрләренең тулы булмаган эш белән тәэмин ителүе сәбәпле хезмәткәрләрне эштән азат итү турында мәгълүмат халыкны эш белән тәэмин итү хезмәте органнарына эш бирүчеләр тарафыннан «Работа в России» порталындагы формаларны тутыру юлы белән электрон рәвештә җибәрелә.