«Веста» үзәгендә ТАССРның 100 еллыгына багышланган чара узды
ТАССРның 100 еллыгы уңаеннан һәм балигъ булмаганнарны патриотик тәрбияләү кысаларында Түбән Каманың «Веста» гаиләгә һәм балаларга социаль ярдәм үзәге социаль педагогы Елена Макарова «Ата-бабаларым теле сүнергә тиеш түгел!» дигән чара оештырды. Кама Аланы балалар китапханәсе белән берлектә оештырылган дәрестә 15 бала катнашты.
Китапханәчеләр сөйләвеннән малайлар һәм кызлар планетада телләрнең күптөрлелеге, Татарстан Республикасында яшәүче халыкларның телләре турында белделәр.
Балалар социаль педагог белән бергә фразеологик әйләнешләр белән табышмаклар чиштеләр, мәкальләр һәм әйтемнәр искә төшерделәр, аларның яшерен мәгънәсе турында фикер алыштылар.
Балалар оештыручыларга кызыклы чара өчен рәхмәт белдерделәр һәм тиздән китапханәгә инде китап укучылар буларак кайтырга сүз бирделәр.