Игелек декадасы

2012 елның 3 декабре, дүшәмбе
3 декабрьдә без Халыкара инвалидлар көнен билгеләп үтәбез. Җәмәгатьчелек, хакимиятнең игътибарын мөмкинлекләре чикләнгән кешеләр проблемаларына, аларның хокукларын яклауга юнәлдерергә тиешле үзенчәлекле көн бу.
Хәзерге вакытта  Татарстан Республикасында 320 меңнән артыграк инвалид яши. Шуның  14 меңе – балалар. Мөмкинлекләре чикле кешеләрнең тормыш шартларын яхшырту өчен дәүләт тарафыннан күп көч куела. Татарстанда тормышка ашырылучы соцаль сәясәтнең өстенлекле юнәлешләренең берсе инвалидлар өчен көн кадагында булган сорауларны, мәсьәләрне чишүдән, аларның иҗтимагый-сәяси, мәдәни тормышта даими катнашып яшәвен, эшкә урнашу, һөнәри белем алуларын тәэмин итүдән  гыйбарәт.  
Бу форсаттан  “Уңайлы тирәлек” федераль программасын тормышка ашыру күп максатларга ирешергә ярдәм итә. Татарстан республикасы - мөмкинлекләре чикле кешеләр өчен уңайлы тирәлек булдыру буенча эш башланган өч җирлекнең берсе. Узган ел 17 муниципаль берәмлектә 100 дән артык объект инвалидлар өчен җайлаштырылган  булса, агымдагы елда бу өлкәдәге эшләр 45 җирлектә төгәлләнәчәк. Билгеләп үтәм, бу программага кергән барлык биналар да инвалидлар иҗтимагый оешмасы тәкъдиме белән тормыш өчен иң кирәкле булган 8 өлкәдән сайлап алынган.
 “Уңайлы тирәлек” программасын тормышка ашыру барышында 12 спорт объекты да инвалидлар өчен чын мәгънәсендә уңайлыга әверелде. Аларда адаптив физик культура белән шөгыльләнү, инвалидлар катнашында спорт чаралары уздыру өчен барлык шартлар да тудырылган.
Инвалидларны социальләштерү барышында  хезмәт белән тәэмин итү дә бик мөһим роль уйный. Агымдагы елда  мөмкинлекләре чикле кешеләрне эшкә урнаштыру өчен 17,6 миллион сум акча бүлеп бирелгән иде – димәк, 352 кеше җайлаштырылган шәхси эш урынлы булган дигән сүз.
Декабрь аенда ел саен үткәрелеп килә торган игелек  декадасы - инвалидларны  кайгыртуга кертелә торган бик кечкенә генә өлеш. Аларга безнең тарафтан бер көнлек түгел, даими игътибар кирәк.
        Безнең кайгыртуыбыз әлеге гайрәтле  йөрәкле кешеләргә бер генә минутка булса да авырлыкларын онытып торырга ярдәм итсә иде. Без аларның алдагы көннәре өметле һәм якты  булсын өчен бар көчебезне куябыз.
Ихлас күңелемнән һәммәгезгә иминлек, мәхәббәт, бәхетле тормыш, җан тынычлыгы теләп калам!
Татарстан Республикасы Хезмәт, халыкны эш белән тәэмин итү һәм социаль яклау министры
Айрат Шәфигуллин.
 
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International