Кукмара тернәкләндерү үзәгендә яңа технологияләр актив кулланыла

2020 елның 11 феврале, сишәмбе

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәге белгечләре тернәкләндерү процессына даими рәвештә яңа технологияләр кертәләр.

Шундый яңалыкларның берсе – интерактив идән. Бу – алдынгы технологияләргә нигезләнгән заманча эшләнмә, ул теләсә кайсы идән өслеген уен өчен файдаланырга мөмкинлек бирә.

Көн саен тернәкләндерү үзәге белгечләре интерактив идән кулланып дәресләр үткәрәләр. Интерактив идән – көнкүреш күнекмәләрен, танып-белү кызыксынуын үстерү өчен менә дигән ысул. Мондый җиһазлар балаларга ныгырга, мускул киеренкелеген бетерергә һәм эмоциональ рәвештә бушарга ярдәм итә.