«Гармония» үзәге психологлары балаларны кошлар турында кайгыртырга өйрәтәләр

2020 елның 11 феврале, сишәмбе

«Кошларга кышлавы авыр, аларга ярдәм итәргә кирәк» дигән девиз астында Буа районы «Гармония» комплекслы үзәгенең гаиләгә һәм балаларга социаль ярдәм бүлеге психологлары «Преодоление» клубы әгъзалары белән дәрес үткәрделәр.

Дәрестә балалар кошларның төрләре, тышкы кыяфәте һәм үз-үзләрен тоту үзенчәлекләре турында белделәр, кошлар турында шигырьләр сөйләделәр һәм табышмаклар чиштеләр.

Оештыручылар кышлаучы кошларны ничек дөрес ашатырга кирәклеге турында сөйләделәр, аннан соң балалар җимлекләр ясый башладылар.

Үзәк психологлары сүзләренә караганда, мондый чаралар балаларны кошлар турында кайгыртырга өйрәтә.