Әлмәттә үзенчәлекле балалар тәрбияләүче әниләргә консультация бирелде

2020 елның 10 феврале, дүшәмбе

Шушы көннәрдә Әлмәттә «Бәхетле сәгать» клубының чираттагы очрашуы узды. Мөмкинлекләре чикле балалар тәрбияләүче әниләр белән очрашуга Республика матди ярдәм үзәгенең 8 нче бүлекчәсе мөдире Луиза Миңнегулова һәм «Кайгырту» үзәгенең гаиләгә һәм балаларга социаль ярдәм күрсәтү бүлеге мөдире Екатерина Чикирова килде.

Министрлык карамагындагы учреждениеләр хезмәткәрләре хатын-кызларга 2020 елда социаль ярдәм чаралары күрсәтү, социаль хезмәт күрсәтү өлкәсендәге яңалыклар турында сөйләделәр. Клубта катнашучылар үзләрен борчыган сораулар буенча фикер алыштылар һәм аларга җаваплар алдылар.