Биектау районында мөмкинлекләре чикле балалар атлар янына барды
20 нче гыйнвар көнне Биектау муниципаль районының "Өмет" халыкка социаль хезмәт күрсәтү комплекслы үзәге белгечләре мөмкинлекләре чикле балалар өчен ат ишегалдында гадәти булмаган дәрес оештырды. Балалар хайваннар белән аралашты, атка атланып йөрделәр, бик күп уңай тәэсирләр алдылар.
Ипотерапия - шәхес формалаштыру һәм реабилитацияләүнең иң борынгы юнәлешләренең берсе.
Атка атланып йөрүнең дәвалау үзенчәлекләре һәм сырхауларга, яралыларга атлар белән аралашуның уңай йогынтысы турында Гиппократ чорында ул билгеле булган. Ул яралы һәм авырулар ат өстендә йөргән очракта тизрәк савыга, дип раслый. Ул шулай ук гомуми ныгытучы эффекттан тыш, атка атланып йөрүнең психологик нәтиҗәсе дә күзәтелә, дип билгеләп үтте. Бөек табиб меланхоликларга атта йөрергә киңәш иткән, чөнки бу кешене "кара фикерләрдән" азат итә, "күңелле һәм ачык уйлар" тудыра. Шул ук вакытта борынгы галим атларның "ритмик һәм салмак хәрәкәтенә" аерым игътибар бирә.
Галимнәр фикеренчә, хайваннар белән аралашу нәтиҗәсендә энергетика алмашу бара, ул кеше организмын гармонияләштерә, психик чирләргә, ялкынсыну авыруларына бәйле киеренкелекне бетерә. Ат кешене, нерв системасы зарарланган, балалар церебраль параличы булган зәгыйфь балалар организмындагы дефицитны тулысынча энергия белән баета.
Атта йөргән вакытта ике тереклек үзара бәйләнештә тора. Ат - ул табигый аккумулятор. Атта йөрү кешенең саклану кыры механизмын булдыра.
Атлар белән аралашкан балалар үзләренең физик, психологик һәм эмоциональ халәтен яхшырттылар, бу аларда психологик тайпылышларны киметүгә ярдәм итте.