“Здравушка” үзәгендә медицина фәннәре докторы мастер-класс уздырды

2020 елның 17 гыйнвары, җомга

Казанның "Здравушка" мөмкинлекләре чикле балалар һәм яшүсмерләр тернәкләндерү үзәгендә медицина фәннәре докторы, профессор, Татарстан Республикасының атказанган табибы Исанова Вәлидә Әдим кызының мастер-классы узды.

Чараның беренче яртысы теориягә багышланган иде. Вәлидә Әдим кызы инвалид балаларны тернәкләндерүнең яңа технологияләре турында сөйләде.  Лекциядән соң белгечләргә һәм инвалид балаларның ата-аналарына "REFORMA-ТЭКТ" дигән яңа термаль-электроимпульс костюмы-тренажер эше күрсәтелде.

Әлеге костюм мускул тонусын җайга салу, мускулларның төрле төркемнәре күнегүләре, спорт физик йөкләнешләренә комплекслы функциональ әзерлек һәм адаптация өчен билгеләнгән.