"Шәфкать" үзәге белгечләре янгын куркынычсызлыгы буенча профилактик эш оештырды
19 декабрьдә Тукай муниципаль районы "Шәфкать" халыкка социаль хезмәт күрсәтү комплекслы үзәгенең гаилә һәм балаларга социаль ярдәм бүлекчәсе белгечләре гадәттән тыш хәлләр министрлыгы һәм "Чаллыгаз" ЭПУ хезмәткәрләре белән берлектә социаль куркыныч хәлдәге гаиләләргә чираттагы рейд оештырды.
Чара барышында халык белән профилактик әңгәмәләр үткәрелде, төп куркынычсызлык кагыйдәләре турында белешмәлекләр тапшырылды. Күзәтчелек эшчәнлеге инспекторлары авыр тормыш ситуациясенә эләккән гражданнарга газ һәм электр приборларын кулланган вакытта янгын куркынычсызлыгы таләпләрен үтәргә кирәклеген аңлатты. Гражданнарның гап-гади куркынычсызлык кагыйдәләрен белүләре гадәттән тыш хәлләр килеп чыгуга юл куймаска, ә кайбер очракларда кешенең гомерен саклап калырга мөмкин.