Россиядә 2020 елдан электрон хезмәт кенәгәләре кертелә
2019 елның 16 декабрендә Россия Президенты "Россия Федерациясе Хезмәт кодексына үзгәрешләр кертү турында (хезмәт эшчәнлеге хакында электрон рәвештә мәгълүмат формалаштыру өлешендә)" 439-ФЗ номерлы Федераль законга кул куйды. Закон 2020 елның 1 гыйнварыннан үз көченә керә.
Билгеләп үтик, билгеләнгән үрнәктәге хезмәт кенәгәсе хезмәткәрнең хезмәт эшчәнлеге һәм хезмәт стажы турында төп документ булып тора (ст.66 ТК РФ).
РФ Хезмәт кодексы 66.1 статья белән тулыландырыла, аның нигезендә хезмәт эшчәнлеге турындагы белешмәләр хезмәткәрнең хезмәт эшчәнлеге һәм хезмәт стажы турында төп мәгълүмат булып тора. Анда башкара торган эш, башка даими эшкә күчерү һәм хезмәткәрне эштән азат итү турында мәгълүматлар саклана, шулай ук эш бирүчеләр тарафыннан РФ Пенсия фондының мәгълүмат системасына тапшырыла торган хезмәт килешүен туктату нигезләре.
Федераль закон нигезендә, 2021 елның 1 гыйнварыннан эшкә беренче тапкыр килүчеләр өчен электрон рәвештә хезмәт эшчәнлеге турында мәгълүмат алып барыла, һәм әлеге хезмәткәрләргә хезмәт кенәгәсе рәсмиләштерелми.
Хезмәткәргә эшчәнлеге турында мәгълүматны кәгазьдә яки электрон формада да алу мөмкинлеге бар:
- эш бирүченең соңгы эш урыны буенча;
- КФҮтә;
- РФ Пенсия фондында;
- дәүләт һәм муниципаль хезмәтләрнең бердәм порталын кулланып.
Һәр хезмәткәр 2020 елның 31 декабренә кадәр үзенең карары турында язмача гариза бирә: эш бирүче тарафыннан хезмәт кенәгәсен алып баруны дәвам итү яки эш бирүче тарафыннан аңа хезмәт эшчәнлеге турында мәгълүмат бирү хакында.
Хезмәт эшчәнлеге турында мәгълүмат бирү турында гариза биргән хезмәткәрләргә эш бирүчеләр хезмәт кенәгәләрен кулларына бирә, шуннан соң аны алып барган һәм саклаган өчен җаваплылыктан азат ителәләр. Хезмәт кенәгәсен биргән вакытта аңа тиешле язма кертелә.
Эш бирүче тарафыннан хезмәт кенәгәсен алып баруны дәвам итү турында гариза биргән хезмәткәр алга таба эш бирүчегә РФ Хезмәт кодексының 66.1 маддәсе нигезендә хезмәт эшчәнлеге турында мәгълүмат бирү турында гариза бирергә хокуклы.
2020 елның 31 декабренә кадәр эш бирүчегә язма гаризаларның берсен тапшыру мөмкинлеге булмаган кешеләр моны теләсә кайсы вакытта эшләргә хокуклы, аны төп эш урыны буенча, шул исәптән эшкә урнашканда да.
Яңа таләпләрне гамәлгә ашыру максатыннан 2020 ел дәвамында эш бирүчеләр әзерлек чаралары уздыра:
- Россия Федерациясе Пенсия фондының мәҗбүри пенсия иминияте системасында индивидуаль (персонификацияләнгән) исәпкә алу турында РФ законнарында билгеләнгән тәртиптә хезмәт эшчәнлеге турында мәгълүматларны тапшыру өчен техник әзерлекне тәэмин итү;
- 2020 нче елның 30 нчы июненә кадәр һәр хезмәткәрнең хезмәт законнарындагы үзгәрешләр, шул исәптән эш бирүче хезмәткәрнең хезмәт кенәгәсен алып баруны дәвам итү яки эш бирүченең хезмәт эшчәнлеге турында мәгълүмат бирү хокукы турында язма рәвештә хәбәрнамә;
- беренчел профсоюз оешмасының сайлау органы фикерен исәпкә алып, локаль норматив актларны кабул итү яки үзгәртү (кирәк булганда);
- килешүләргә һәм күмәк шартнамәләргә үзгәрешләр (кирәк булганда), хезмәткәрләрнең вәкаләтле вәкилләре белән әзерлек һәм фикер алышу.
2019 елның 16 декабрендә Россия Федерациясе Президенты "Мәҗбүри пенсия иминияте системасында индивидуаль (персонификацияләнгән) исәпкә алу турында "Федераль законга үзгәрешләр кертү хакында" 436-ФЗ номерлы Федераль законга кул куйды. Бу хакта тулырак:http://mtsz.tatarstan.ru/rus/index.htm/news/1640734.htm