Югары Ослан интернат-йортында янгын куркынычсызлыгы буенча күнегүләр үткәрелде
Бүген Югары Ослан өлкәннәр һәм инвалидлар интернат-йортында бина территориясендә Татарстан Республикасы янгынга каршы хезмәтнең 8 нче отряды һәм Югары Ослан муниципаль районының надзор эшләр бүлеге хезмәткәрләре белән берлектә интернат-йортта яшәүче һәм хезмәткәрләрне гадәттән тыш хәлләрдән саклау буенча күнекмә әзерләнде һәм үткәрелде.
Күнекмәнең төп максаты – бухгалтерия блогы ягыннан төтен табуны ачыклаганда интернат-йортта яшәүчеләрне һәм хезмәткәрләрне эвакуацияләү, профессиональ янгын сүндерүчеләр белән үзара хезмәттәшлекне оештыру иде.
Мондый, уртак күнегүләр интернат-йортта даими рәвештә уза, бу исә янгын чыккан очракта персоналның беренчел гамәлләрен дөрес башкарырга ярдәм итәчәк, куркыныч хәл килеп чыккан вакытта интернат-йорт хезмәткәрләренең үз-үзләрен тоту күнекмәләрен беркетергә мөмкинлек бирә.