"Асылташ" приютында тәрбияләнүчеләр кулинария буенча мастер-класста катнаштылар

2019 елның 18 декабре, чәршәмбе

Яр Чаллының "Асылташ" балалар һәм яшүсмерләр социаль приютында ТАССРның 100 еллыгына әзерләнәләр.

Приют коллективы һәм тәрбияләнүчеләр Татарстан Республикасында яшәүләре белән горурлана.  ТАССРның 100 еллыгына приютта тәрбияләнүчеләр белән төрле чаралар: интеллектуаль уеннар, квестлар, конкурслар, тематик күргәзмәләр үткәрелә.

Приютта тәрбияләнүчеләр "Чәк-чәк" традицион татар ашларын әзерләү буенча мастер-класста катнашты. Татар халкы элек-электән кунакчыллыгы белән дан тота, шуңа күрә - хәзерге татарлар бу традицияне бүгенге көндә дә саклый. 

Мастер-класс татлы ризыклар тәкъдим итү һәм татар халкының гореф-гадәтләре турында фикер алышу белән тәмамланды.