"Яңарыш" үзәгендә Кыш Бабай остаханәсе ачылды

2019 елның 16 декабре, дүшәмбе

13 нче декабрьдә Бөгелмәнең "Яңарыш" мөмкинлекләре чикле балалар һәм яшүсмерләр  тернәкләндерү үзәгендә "Кыш Бабайның остаханәсе" дигән иҗади чара уздырылды.

Максат - бәйрәм алды кәефен һәм тылсым атмосферасын тудыру, балаларның һәм ата-аналарының иҗади активлыгын үстерү.

Яңа ел уенчыклары ясау буенча остаханә ачу үзәкнең матур традициясенә әйләнде, бу юлы балалар әти-әниләре белән бергә рәхәтләнеп "Бәйрәм итекләре" тектеләр һәм бизәделәр.

“Кыш Бабай остаханәсе" әле күп эшләр башкарырга тиеш – балалар үзләре мамык, кул эшләнмәләре, сувенирлар, открыткалар һәм башка Яңа ел бизәкләре ясый алачак.