«Гаилә» милли проектының «Өлкән буын» федераль проектын гамәлгә ашыру кысаларында Зәй районында өлкәннәргә һәм инвалидларга ярдәм күрсәтүгә юнәлдерелгән системалы эш алып барыла. Әйтик, 2025 елның ноябрь–2026 елның гыйнварында «Шатлык» халыкка социаль хезмәт күрсәтү комплекслы үзәге белгечләре «Шәп күршеләр» конкурсында җиңгән «Тылсымлы гипс» инклюзив остаханәсе» социаль проектын гамәлгә ашырды.

«Гаилә» илкүләм проекты буенча гамәлгә ашырыла торган «Актив озын гомерлелек» программасы кысаларында Спас өлкәннәр һәм инвалидлар интернат-йорты тәрбиячесе Ирина Телицына аеруча актив социаль хезмәтләр алучылар белән чаңгыда дәрес үткәрде.

Менделеевск районының «Кама таңнары» балалар һәм яшүсмерләр өчен социаль приютында «Курчак фургоны» музей-студиясе» проектын гамәлгә ашыру башлана, ул Татарстан Республикасы территориясендә «Лукойл» ГАҖ социаль һәм мәдәни проектлар конкурсында җиңүче булды.

Балигъ булмаганнар арасында хокук бозуларны кисәтү кысаларында Биектау районының «Өмет» халыкка социаль хезмәт күрсәтү комплекслы үзәге психологы 1 нче социаль участокта яшүсмерләр белән «Уңыш һәм аның өлешләре» дигән тренинг дәресе үткәрде. Дәрестә 22 балигъ булмаган бала катнашты.