Минзәләдә социаль хезмәт күрсәтү учреждениеләре катнашында волейбол буенча иптәшләрчә турнир узды

2019 елның 28 марты, пәнҗешәмбе

27 март көнне "Юбилейный" балалар һәм яшүсмерләр мәктәбенең спорт залында "Умырзая" мөмкинлекләре чикле балалар һәм яшүсмерләр өчен тернәкләндерү үзәге, "Тургай" балалар һәм яшүсмерләр социаль приюты һәм коррекция интернат-мәктәбе командалары арасында волейбол буенча иптәшләрчә турнир узды.

Ярышларда катнашу өчен 10 кешедән торган катнаш командалар кертелде: 3 олы кеше, 3 тәрбияләнүче, 3 запас, 1 тренер-вәкил.

"Умырзая" тернәкләндерү үзәге директоры Е.Сысоева турнирда катнашучыларга сәламләү сүзе белән мөрәҗәгать итте. Ул турнирда катнашучыларга уңышлар теләде. Киеренке көрәштә коррекция интернат-мәктәбе командасы I урынны яулады. Көмеш медаль "Тургай" приютына эләкте, бронза медальне "Умырзая" яулады.