Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Казанда «Үзеңнән башла. Эш урыннарында хезмәтне саклау һәм куркынычсыз шартлар булдыру” дип исемләнгән I нче Халыкара фәнни-гамәли конференция башланып китте

2012 елның 14 июне, пәнҗешәмбе

Бүген Казанда «Үзеңнән башла. Эш урыннарында хезмәтне саклау һәм куркынычсыз шартлар булдыру” дип исемләнгән I нче Халыкара фәнни-гамәли конференция башланып китте.

Чарада РФ һәм ТР башкарма хакимият органнарыннан 120 вәкил, шулай ук РФ субъектларыннан һәм БДБ илләреннән килгән хезмәтне саклау юнәлешендә эшләүче галимнәр катнаша. Татарстан Республикасы Хезмәт, халыкны эш белән тәэмин итү һәм социаль яклау министры Айрат Шәфигуллин аларның һәрберсенә сәламләү сүзләрен җиткерде. Шулай ук катнашучыларны хезмәтне саклау үзәкләре милли ассоциациясе генераль директоры, INSHPO халыкара ассоциациясе вице-президенты Николай Новиков та сәламләде. Конференциягә җыелучыларны нәтиҗәле эшкә өндәп, Айрат Шәфигуллин: “Әлеге чара һәркемгә сизелерлек файда китереп кенә калмас, ә бәлки хезмәтне саклау өлкәсендә тир түгүче белгечләрнең бергәлеген дә ныгытыр”, - дип ассызыклады.

Конференция 2 көн бара. Катнашучылар шул вакыт эчендә хезмәтне саклау идарәсе системасын үзгәртеп коруның актуаль проблемалары, хезмәт шартлары буенча эш урыннары аттестациясе уздыру һәм әлеге өлкәдә булган казанышлар хакында сөйләшәчәкләр. Конференция барышында коллегалар, партнерлар белән әлеге мәсьәләләр хакында фикерләшү хезмәткәрләрнең куркынычсызлык дәрәҗәсен күтәрү һәм аларның сәламәтлеген саклау проблемаларын тагын да нәтиҗәлерәк чишәргә ярдәм итәчәк.

Билгеләп узыйк, Казан шәһәре фәнни-гамәли конференция үткәрү өчен очраклы гына сайланмаган: республикабызда хезмәтне саклау мәсьәләләренә карата республика хөкүмәте һәм ТР Президенты Р.Н.Миннеханов тарафыннан аеруча зур игътибар бирелеп, хезмәт шартларын яхшырту һәм җитештерүдәге җәрәхәтләр куркынычсызлыгын киметү буенча оператив карарлар даими кабул ителеп килә.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

«Апрель» тернәкләндерү үзәге 25 еллыгын билгеләп үтте

Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең юбилей кичәсе узды. Бәйрәм чарасы «Могҗизалар илендә 25 ел: апрель әкияте» дигән символик исем астында узды һәм юбилей уңаеннан тантана гына түгел, ә бу елларда көн саен чын могҗизалар кылган, балаларга беренче адымнарын ясарга, талантларын ачарга, авырлыкларны җиңәргә һәм үз-үзләренә ышанырга ярдәм иткән кешеләр турында җылы, эмоциональ хикәя булды.

Социаль хезмәтләр алучылар «Абилимпикс» чемпионатының төбәк этабында уңышлы чыгыш ясый

Яр Чаллы медицина көллиятендә инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» чемпионатының төбәк этабы узды.

«Гаилә» илкүләм проекты: Тукай районында өлкән буынны диспансерлаштыру дәвам итә

Бүген Тукай муниципаль районының Таулар авылында яшәүчеләргә медицина учреждениесенә илтү буенча социаль хезмәт күрсәтелде. Чаралар «Гаилә» илкүләм проектының «Өлкән буын» федераль проекты кысаларында үткәрелә.

Балалар тернәкләндерү үзәкләрендә #ЛюдиКакЛюди инклюзив фестивале узды

29 марттан 5 апрельгә кадәр мөмкинлекләре чикләнгән балалар һәм яшүсмерләр өчен тернәкләндерү үзәкләрендә Аутизм проблемасы турында мәгълүмат тарату көненә багышланган X #ЛюдиКакЛюди бөтенроссия инклюзив фестивале узды.

ЯҢАЛЫКЛАРГА ЯЗЫЛУ