Буада уку һәм эш урыннары ярминкәсе узды

2019 елның 28 гыйнвары, дүшәмбе

25 гыйнварда Буа медицина училищесында шәһәрнең халыкны эш белән тәэмин итү үзәге һәм район мәгариф бүлеге тарафыннан оештырылган уку һәм эш урыннары ярминкәсе узды.

Чарада өч уку йорты вәкилләре: Социаль белем бирү академиясе, Буа ветеринария техникумы һәм Буа медицина училищесы вәкилләре, шулай ук районның оешма һәм предприятиеләре вәкилләре һәм Буа һәм Буа районы мәктәпләренең 9-11 сыйныф укучылары катнашты.

Ярминкәгә барлыгы 95 кеше килде. Чыгарылыш сыйныф укучылары үзләрен кызыксындырган сораулар бирде, аларга уку йортлары җитәкчеләре тарафыннан тулы җаваплар әйтелде.