Казанда "Абилимпикс" төбәк чемпионатын ачу тантанасы узды
Бүген Татарстан Хезмәт, халыкны эш белән тәэмин итү һәм социаль яклау министрының беренче урынбасары Рөстәм Вәлиуллов "Казан төзелеш көллияте" ДАҺБУ базасында инвалидлыгы булган кешеләр арасында һөнәри осталык буенча "Абилимпикс-2018" төбәк чемпионатын ачу тантанасында катнашты.
Төбәк чемпионаты 2018 елның 30-31 октябрендә 25 компетенция буенча дүрт мәйданчыкта уза. Татарстан республикасында бу елда чемпионат чараларында 200дән артык конкурсант катнаша. 25 компетенция буенча җиңүчеләр Татарстан республикасын IV илкүләм чемпионатта тәкъдим итәчәкләр, ул ноябрьдә Мәскәүдә оештырыла.
2018-2020 елларга инвалидлар һәм сәламәтлек мөмкинлекләре чикләнгән затлар арасында һөнәри осталык буенча Милли чемпионатны оештыру комитеты тарафыннан расланган конкурслар үткәрү концепциясендә кайбер үзгәрешләр карала:
- конкурс өч категория буенча узачак: "Студентлар", "Белгечләр", "Мәктәп укучылары". Бәйгедә катнашучылар тигез шартларда бер мәйданчыкта көч сынашты;
- конкурс мәйданчыгында төп экспертлар сыйфатында эш бирүчеләр вәкилләре чыгыш ясый.
Белешмә: "Абилимпикс" – халыкара коммерцияле булмаган хәрәкәт, аның бурычлары һөнәри юнәлеш бирү, инвалидлыгы яки сәламәтлеге чикләнгән кешеләрне һөнәри белем бирүгә мотивацияләү.