Бөгелмә мәшгульлек үзәгендә “Работа в России” порталының мөмкинлекләре  темасына семинар-киңәшмә узды

2018 елның 30 октябре, сишәмбе

“Работа в России” порталын популярлаштыру һәм эшчәнлеген алга этәрү максатында 26 октябрендә Бөгелмә шәһәре мәшгульлек үзәге дәүләт казна учреждениесендә “Работа в России” порталының мөмкинлекләре дигән темага семинар-киңәшмә узды. Аның эшендә шәһәрнең 13 оешмасы катнашты.

Семинар барышында эш белән тәэмин итүчеләргә “Работа в России” гомумроссия вакансияләр базасының мөмкинлекләре аңлатылды, атап әйткәндә, порталда теркәлү һәм анда мәгълүмат урнаштыру тәртипләре күрсәтелде.

“Работа в России” порталы вакансияләрне, резюмеларны урнаштыру өчен үз сервисларын түләүсез тәкъдим итә, бу исә эш бирүчеләр өчен хезмәткәрләр эзләү һәм эш эзләүчеләргә ирекле эш урыннарына урнаша алу процессын тизләтергә мөмкинлек бирә.