"Ышаныч" үзәгендәгеләр "Синең космос" интерактив күргәзмәсен карады
Яр Чаллы "Ышаныч" халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре балаларның ялын кызыклы һәм файдалы итеп оештырырга тырыша.
Шулай итеп, балигъ булмаган балаларның күзаллавын киңәйтү һәм кызыксынучанлыгын үстерү максатыннан "Омега" сәүдә үзәгендә "Синең космос" интерактив күргәзмәсе оештырылды.
Балалар рәхәтләнеп космик киңлеккә "чумды", анда плазма һәм газга кагылып, космонавт кәнәфиенә менәргә һәм махсус перчаткаларда МКСНЫ чистартырга мөмкин иде. Планетарий белән кызыксынучылар космос турында кызыклы фильм карады. Һәр кеше үз тавышының башка планеталарда яңгыравын белү мавыктыргыч булды.
Күргәзмә балаларга да, аларның әти-әниләренә дә ошады. Якты хисләр һәм тәэсирләр экскурсантлар хәтерендә озакка калачак. Күргәзмәдә барлыгы 86 кеше булды.