Казанның Вахитов районында яшәүче 30дан артык эшсез кеше эш урыннарына юллама алды

2018 елның 25 октябре, пәнҗешәмбе

Кичә Казанның Вахитов районы халыкны эш белән тәэмин итү үзәге тарафыннан вакантлы эш урыннары ярминкәсе уздырылды.

Чарада шәһәрнең  Вахитов районындагы 9 предприятие һәм оешмасы катнашты, алар арасында "Метроэлектротранс" МУП, сәүдә агентлыгы ҖЧҖ, "Горводзеленхоз" тресты, федераль идарә суд приставлары хезмәтенең ТР буенча идарәсе, Водоканал МУП, Татарстан почтасы - Россия Почтасы филиалы, Реконструкция һәм үсеш ҖЧҖ һ.б. Әлеге оешмалар һәм предприятиеләр тарафыннан 716 вакансия тәкъдим ителде.

Ярминкәгә 348 кеше килде, шуларның 31е вакантлы эш урыннарына юллама алды.