Мамадыш картлар һәм инвалидлар йортында ветераннар хоры

2018 елның 17 октябре, чәршәмбе

Мамадыш шәһәре ветераннар хоры Мамадыш картлар һәм инвалидлар йортында еш кунак була.

Быел да Өлкәннәр көне декадасында интернат-йортны игътибарсыз калдырмадылар. Декада ахырында картлар һәм инвалидлар йортында инде яратып өлгергән хор концерты булып үтте. Җырлар, биюләр, күңелгә үтеп керә торган сүзләре җылылык һәм шатлык белән тулган иде.

Өлкәннәр чыгыш ясаучылар белән бергә үзләренең яшьлек җырларын җырлап утырды. Интернат йортта яшәүчеләр концерттан уңай кичереш, яхшы кәеф  алды, артистларга иҗади уңышлар теләделәр.