Югары Осланда "Ягу сезоны" операциясе башланды

2018 елның 12 октябре, җомга

Югары Ослан муниципаль  районындагы Печище авыл җирлегендә  торак секторда халыкка янгын иминлеге  турында халыкның белемен арттыру максаты белән  "Ягу сезоны" профилактик операциясе старт алды.

Гаилә һәм балаларга социаль хезмәт күрсәтү бүлегенең башлыгы Ирина Алеева, гаилә һәм балаларга социаль хезмәт күрсәтү бүлегенең  мөдире Эльвира Сафиуллина, җаваплы сәркәтип  Юлия Горбачева, авыл җирлегенең башлыгы Леонтий Яковлев  катнашындагы комиссия  тарафыннан исәптә торучы гаиләләрдә җылылык сезонына әзерлек тикшерелде.

Комиссиядә катнашучы кешеләр  ситуацияне уртача дип санадылар. Ата-аналар белән янгын иминлеген  саклау буенча инструктаж үткәрелде, һәм буклетлар тапшырылды.