Яшьләр өлкәннәрне хөрмәтли

2018 елның 11 октябре, пәнҗешәмбе

Бүген Югары Ослан картлар һәм инвалидлар интернат-йортында  Казан шәһәреннән иҗади яшьләр десанты, "Мин - яхшылык иҗат итүче" проекты уңаеннан ирекле миссия башкарды.

Казан кунаклары социаль хезмәт алучылар өчен концерт программасы оештырды. Артистлар төрледән-төрле программа әзерләгәннәр: рус халык җырларын, татар халык җырлары алыштырды, домра яңгырады. Һәр чыгыш өлкән буын кешеләре күңелендә матур елмаю уятты, һәр номер рәхмәтле тамашачы алкышларына күмелде. Интернат-йортта яшәүчеләр кунакларга күтәренке кәеф бүләк иткән өчен зур рәхмәтләрен җиткерде.