Иннополис мәктәбе укучылары өлкәннәргә хат язды

2018 елның 8 октябре, дүшәмбе

Өлкәннәр көне уңаеннан Иннополис шәһәре мәктәбе һәм Югары Ослан картлар һәм инвалидлар интернат-йорты администрациясе "Изге кулларга хатлар" акциясе игълан итте.

Акциянең төп максаты булып мәктәп укучыларының үз куллары белән интернат-йортта яшәүче һәр өлкән кеше өчен котлау открыткалары һәм сәнгать эшләре ясау  торды.

Йорт-интернат халкы бик күп позитив һәм яхшы кәеф алды, алар бик теләп шәхси котлау сүзләрен укыды һәм алган хатларга балалар  кебек шатландылар.

Интернат-йортта яшәүчеләр Иннополис мәктәбе укучыларына һәм педагогик коллективына  әлеге бәйрәм бүләге өчен чын күңелдән рәхмәт белдерә.