"Терроризмга - юк!"
2018 елның 17 нче августында Спас картлар һəм инвалидлар интернат-йортында социаль хезмəткəр Савинова С.А. тарафыннан "Терроризмга - юк!" дип исемлəнгəн тематик сəгать үткəрелде.
Тематик сəгать барышында социаль хезмəт алучылар "терроризм" төшенчəсе белəн таныштылар, терроризмның төрлəре, сəбəплəре, үзенчəлеклəре һəм террористик акт янаганда үз-үзеңне тоту кагыйдəлəре турында белделəр. Зур кызыксыну белəн "Терроризмга - юк!" темасына видеороликлар карадылар.
Тыныч халык арасыннан корбан булганнарны һəм бурычларын үтəгəндə һəлак булган хокук саклау органы хезмəткəрлəрен искə алдылар.
Терроризмның таралуын кисəтү өчен һəм җинаятьчелəрнең җəмгыять тарафыннан яклануга ышанычларын бетерү өчен, һəр кешедəн бер-береңə игътибарлылык һəм уяулык талəп ителə дигəн нəтиҗəгə килделəр. Чара ахырында антитеррор куркынычсызлыгы буенча əңгəмə үткəрелде.