Алабугада профориентация буенча форум узачак

2018 елның 24 августы, җомга

Алабугада 8-9 сентябрь көннәрендә беренче тапкыр “Территория профессий”, дигән профориентация яшьләр формы узачак. Проектны Татарстан Хезмәт, халыкны эш белән тәэмин итү һәм социаль яклау министрлыгы да хуплады.

Форумның максаты – мәктәп укучыларының игътибарын төрле өлкәләрдә ихтыяҗлы һөнәр сайлауга юнәлдерү.

Чарада 4-15 яшьлек, шулай ук физик мөмкинлекләре чикле, аз керемле һәм күп балалы гаиләләрдә тәрбияләнүче яшүсмерләр катнашачак.

“Территория профессий” яшьләр форумы программасы тыгыз һәм киң кырлы. Биредә төрле предприятияләр эшчәнлге, уку ресурс үзәкләре белән танышулар да каралган. Моннан тыш төрле тренинглар, флешмоб, иҗади презентация һ.б. чаралар да каралган.

Ике көнлек форумнан соң, 125 катнашучыга сертификатлар да тапшырылачак.