Республиканың 3 362 анасына беренче бала өчен акча билгеләнгән

2018 елның 20 августы, дүшәмбе

Татарстан Республикасының район социаль яклау бүлекләренә 2018 елның 1 гыйнварыннан алып туган беренче балага каралган түләүләр белән бәйле гаризалар килү дәвам итә.

Агымдагы елның 19 августына булган мәгълүматлар буенча, беренче бала туу өчен айлык акчалата түләү республиканың 3 362 анасына билгеләнгән.

Быел Татарстан әниләре өчен пособие күләме  8490 сумны тәшкил итә. Республикада 2017 елның 2 кварталы өчен балалар өчен яшәү минимумы шул күләмдә тәгаенләнгән.