Мамадыш картлар һәм инвалидлар йорты 2017 елда “РИТЭК” социаль һәм культура проектында “Спорт” номинациясенең “Көчле рухлылар” темасы буенча җиңү яулады.
Шуңа бирелгән акчага спорт мәйданчыгы төзелде. 1 август көнне яңа мәйданчыкта “Көчле рухлылыр” исеме астында спорт ярышлары үткәрелде. Бу чараның төп максаты – өлкәннәрне аралаштыру, хәрәкәткә омтылышларын арттыру, кәефләрен күтәрү. Ярышлар уен-көлке, шаяру белән үрелеп барды. Бәйрәмдә катнашучылар үзләренең, көчле рухлы, көчле тәнле икәнлекләрен исбатлады.