Алабуганың мәшгульлек үзәге белгечләре балалар белән очрашты

2018 елның 18 июне, дүшәмбе

Бу көннәрдә Алабуганың мәшгульлек үзәге белгечләре “Яшь төзүче” лагерында профориентация буенча чара оештырды.

Чара барышында танып-белү һәм эшлекле уеннар уздырылды. Төркемле консультация һәм тест үткәрелде, һәр бала үзенә якын шөгыль тапты.

Мобиль үзәк уңаеннан оештырылган бу очрашу вакытында 7-13 яшьлекләр өчен махсус “Һөнәрләр остасы” уены оештырылды. Балалар күп төрле сорауларга җавап бирде, ата-аналарының һөнәрләре турында сөйләде, табышмаклар чиштеләр, мәшгульлек үзәге турында фильм карадылар.

Өлкән яшьтәгеләр өчен дә кызыклы чаралар узды. Профориентациягә багышланган очрашуда 136 бала катнашты.