Мамадыш өлкәннәр һәм инвалидлар йортында бильярд уйныйлар

2018 елның 29 мае, сишәмбе

Бильярд - күңелле уен, буш вакытны үткәрү ысулы гына түгел, ә спортның бер төре булып тора. Бильярд уйнап кеше сәламәтлек буенча бик күп проблемаларын чишә. Әлеге шөгыльнең файдасы турында Лев Толстой да язып калдырган.

Бильярд өлкәннәр өчен алыштыргысыз спорт төре. Мускулларын, буыннарын ,умырткалыкларын ныгыта,  уйлау сәләтләрен күнектерә, нерв системаларын тынычландыра.

Мамадыш әлкәннәр һәм инвалидлар йортында  ПАО "Лукойл" социаль һәм культура проектында җиңгән өчен бирелгән грант хисабына бильярд өстәле булдырылды. Шунда яшәүчеләр бу спорт төре белән бик теләп шөгыльләнәләр. Алар сәламәтлекләрен дә ныгыта, буш вакытларын да файдалы үткәрәләр.