«Веста»да мәдәниятле аралашу үрнәкләре
«Веста»да «Безнең гаиләдә аралашу культурасы: аңлашу таба белү» дип аталган дәрес уңаеннан «Рәхим итегез! Бәхетле гаилә!» клубы эшчәнлеге кысаларында дәрес узды.
Чара «Веста» үзәге психологы Наталья Емельянова тарафыннан социаль ярдәм күрсәтүдә торучы гаиләләр өчен оештырылды.
Максат: гаилә әгъзалары арасындагы үзара хезмәттәшлек осталыгын үстерү. Дәрес башында психолог катнашучыларга «Сәламләүне сайла», «Кызыл аләм», «Эльф өчен йорт», «Минем бала кояш нурларында», «Малай һәм скрипка» дип аталган күнегүләр үтәргә тәкъдим итте. Әлеге биремнәр әниләргә үз балаларына яңа күзлектән карарга, үзләре өчен хаталы булган тәрбия чараларын күрә белергә, балалары алдында чын-чынлап ачылу өчен комачаулаган эчке үпкәләрен ачыкларга ярдәм итте.
Катнашучылар, бала – ул үзенчәлекле һәм кабатланмас шәхес, аны үзеңә ничек кирәк, шулай ясап булмый дигән нәтиҗә чыгарды.
Соңыннан әниләр, әлеге дәрестә иң катлаулысы булып үз-үзеңә ачылу һәм тормышта гаеплеләрне эзләмичә генә, җаваплылыкны үз кулыңа алырга өйрәнү тора дигән фикерләрен белдерде.