Бөгелмәлеләргә бушлай юридик ярдәм күрсәтелде

2018 елның 4 апреле, чәршәмбе

3 апрель көнне Бөгелмә районының халыкны эш белән тәэмин итү үзәгенең әйдәп баручы инспекторы Наталья Матвеева юридик характердагы консультация алып барды.

Чараның төп максаты – якланмаган һәм аз керемле гражданнарга консультатив ярдәм күрсәтү. Чарада 7 кеше катнашты.

Ярдәм сорап мөрәҗәгать итүчеләр арасында төрле социаль төркем кешеләре бар иде, аларның күбесе – аз тәэмин ителгән гражданнар категориясеннән: пенсионерлар, эшсезләр, инвалидлар, ягъни, эш белән тәэмин итү үзәгендә исәптә торучы һәм шулай ук беренче тапкыр мөрәҗәгать итүче җәмгыятьнең һәм дәүләтнең социаль ярдәменә аеруча кискен мохтаҗ булучылар.

Гражданнарның барлык мөрәҗәгатьләренә дә квалификацияле җаваплар бирелде.