ЯҢАЛЫКЛАР

Татарстан Республикасында 2017 елдан «Өлкән кешене тәрбиягә алган гаилә» пилот проекты гамәлгә ашырыла. Аның кысаларында ярдәмгә мохтаҗ өлкән кеше аны карау турындагы килешү төзегән гражданның гаиләсенә күченә.

Югары Ослан районының «Өмет утравы» халыкка социаль хезмәт күрсәтү комплекслы үзәгендә өлкәннәр белән эшләүнең инновацион методикасы – «Ярмалар терапиясе» актив рәвештә гамәлгә кертелә. «Гаилә» илкүләм проектының «Өлкән буын» федераль проекты кысаларында гамәлгә ашырыла торган әлеге технология өйдә социаль хезмәтләр алучыларда когнитив функцияләрне саклауга һәм вак моториканы үстерүгә юнәлдерелгән.

Хәзерге җәмгыять таләпләре балаларга, бигрәк тә өстәмә ярдәм кирәк булганнарга белем бирүнең һәм мәгълүмат тапшыруның яңа ысулларын кертүне таләп итә. Һәр балага индивидуаль якын килү нәтиҗәле үсеш һәм тәрбия бирүнең мөһим шарты булып тора. Түбән Кама районының «Шәфкать» халыкка социаль хезмәт күрсәтү комплекслы үзәгендә һәр баланың индивидуаль үзенчәлекләрен ачыкларга, аның сәләтләрен һәм мөмкинлекләрен үстерергә мөмкинлек бирә торган инновацион методикаларны интеграцияләү программасы уңышлы гамәлгә ашырыла.

Татарстан эш бирүчеләре тарафыннан «Россия эше» мәшгульлек һәм хезмәт мөнәсәбәтләре өлкәсендә бердәм цифрлы платформасында игълан ителгән вакансияләр саны 44 926 берәмлекне тәшкил итте.

Югары Ослан районының яңартылган «Россия эше» кадрлар үзәгендә Татарстан Республикасы хезмәт, халыкны эш белән тәэмин итү һәм социаль яклау министры урынбасары Наталья Бутаева гражданнарны кабул итте.

«Өйдә көтәләр» иҗтимагый хәрәкәте волонтерлары Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендәге балалар, аларның ата-аналары һәм тернәкләндерү үзәге хезмәткәрләре өчен маскировка челтәрләре ясау буенча дәресләр үткәрә. Тәҗрибәле осталар маскировка челтәрләрен үрү сәнгатенең нигезләрен күрсәтәләр, дөрес технологияне үтәү кирәклеген аңлаталар.

Стратегик инициативалар агентлыгы сәламәтлек мөмкинлекләре чикләнгән кешеләргә ярдәм өлкәсендә иң яхшы инклюзив практикаларны конкурс буенча сайлап алуга нәтиҗә ясады. 18 җиңүче арасында – «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең «Үсеш үзенчәлекләре булган балаларга иртә ярдәм күрсәтү» программасы.

Алабуга өлкәннәр һәм инвалидлар интернат-йортында оешуга 100 ел тулуга багышланган бәйрәм чаралары узды.

«Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр Бөгелмәнең битараф булмаган волонтерлары белән берлектә көрәшчеләр өчен хуш исле чәй әзерләде. Бу инициатива җәмгыятьнең уртак максат өчен берләшүенең тагын бер ачык мисалы булды.

Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә социаль-хокукый навигаторның «Мин – кеше» өстәл уеныннан файдаланып төркемле дәрес узды. Аны социаль педагог Алена Овсейчик оештырды. Уен үзен хокукка каршы гамәлләрне профилактикалау һәм яшүсмерләрдә социаль җаваплылык хисе тәрбияләүнең нәтиҗәле коралы буларак күрсәтте.