Теләче районында «Өлкән буын» проекты чаралары дәвам итә

2025 елның 12 ноябре, чәршәмбе

«Чишмә» халыкка социаль хезмәт күрсәтү комплекслы үзәге Теләче үзәк район хастаханәсе белән актив хезмәттәшлек итә. Әлеге үзара хезмәттәшлек кысаларында үзәк авыл җирлекләрендә яшәүче 65 яшьтән өлкәнрәк кешеләрне комплекслы медицина тикшерүе өчен район хастаханәсенә китерүне тәэмин итә.

2025 елга илтү планы – 1 100 кеше, шулардан 420 кеше диспансерлаштыру узу өчен. Бүгенге көндә медицина учреждениеләренә 1 007 граждан китерелгән, аларның 423 диспансерлаштыру узган.

Бу эш «Гаилә» илкүләм проектының «Өлкән буын» федераль проекты кысаларында тормышка ашырыла, аның максаты – өлкән яшьтәге кешеләрнең тормыш сыйфатын яхшырту.