Арча “Өмет чаткысы” балаларны тернәкләндерү үзәгендә Гаилә көненә багышланган “Асфальтта рәсем ясау” дип исемләнгән чара үткәрелде.
Чараның максаты – әти-әниеңне, туганнарыңны ярату, хөрмәт итү хисләрен тәрбияләү. Балалар бик теләп асфальтта төсле бурлар белән рәсем ясады. Асфальтта рәсем ясау – күңелле, кызыктыручан шөгыль. Һәр баланың рәсеме шәхсән матур, кызыклы булды, алар анда үзләренең хис-кичерешләрен иркенләп сурәтләде.
Тәрбиячеләр фикеренчә, мондый чаралар балалар белән ата-аналарны якынлаштыра, сәнгать кунекмәләрен камилләштерә, уйлау сәләтен киңәйтә.