Министрлык карамагындагы учреждениеләрдә Халыкара хатын-кызлар көненә багышланган чаралар узды
Шулай итеп, Менделеевск "Өмет Яры" халыкка социаль хезмәт күрсәтү үзәгендә "Весточка" дип исемләнгән акция узды. әлеге акция кысаларында үзәк белгечләре бәйрәм открыткалары ясап, почта аша үзәк карамагындагы хатын-кызларга җибәрде.
Моннан тыш, Спас "Идел таңнары" өлкәннәр һәм инвалидлар өчен интернат-йортында бәйрәм концерты оештырылды. Җыелучылар алдында учреждение директоры Алевтина Костина бәйрәм белән котлап, чыгыш ясады. Чара ахырында интернат-йорт карамагындагы хатын-кызларга Хәйруллина фондыннан бүләкләр тапшырдылар.
Шундый ук бәйрәм чаралары Минзәлә өлкәннәр һәм инвалидлар өчен интернат-йорты, Бөгелмә "Ялкын" балалар һәм яшүсмерләр өчен социаль приюты, Яр Чаллы "Кояшкай" мөмкинлекләре чикле балалар һәм яшүсмерләр өчен тернәкләндерү үзәге, Аксубай балалар приюты, Кукмара "Наз" халыкка социаль хезмәт күрсәтү үзәгендә узды.